Պերես. «Հաղորդումները, որ Վինիսիուս Ժունիորը չափազանց բարձր աշխատավարձ է պահանջում»

Մադրիդի «Ռեալի» նախագահ` Ֆլորենտինո Պերեսը մեկնաբանել է այն լուրերը, որոնց համաձայն՝ թևային հարձակվող Վինիսիուս Ժունիորը բարձր աշխատավարձ է պահանջում պայմանագրի երկարաձգման համար ։

«Հաղորդումները, որ Վինիսիուս Ժունիորը չափազանց բարձր աշխատավարձ է պահանջում պայմանագիրը երկարաձգելու համար, կեղծ են», - Պերեսի խոսքերն է մեջբերում լրագրող Ֆաբրիցիո Ռոմանոն իր սոցցանցերի էջում։

Ավելի վաղ հաղորդվում էր, որ «Ռեալ Մադրիդը» պատրաստ է երկարաձգել թևայինի պայմանագիրը միայն այն դեպքում, եթե նա ընդունի ակումբի առաջարկը, որը զգալիորեն ցածր էր նրա ֆինանսական պահանջներից։

Վինիսիուսը «Ռեալ Մադրիդում» խաղում է 2018 թվականից։ Անցած մրցաշրջանում նա ակումբի կազմում անցկացրել է 53 խաղ բոլոր մրցաշարերում՝ խփելով 22 գոլ և կատարելով 12 գոլային փոխանցում։ Transfermarkt-ի տվյալներով՝ Վինիսիուսի տրանսֆերային արժեքը կազմում է 150 միլիոն եվրո։